sukwahi sa giingon ni tatay
usahay anaay lami
anang pagpaduol sa kayo,
kanang igo lang nga dili
kaayo sakit, igo lang
nga maka alibyo
sa kangutngot
ikatandi sa hubag
nga lami kawuton
apan undangon kon
hapit nang modugo
sama sa paglili sa bintana
panahon sa unos
sa pagtilaw sa humba
nga kutob lang sa dila
kanang dili matugkad
nga himaya nga gidildil
sa pagka way alimungahag
No comments:
Post a Comment